شذى تهاجم عبد الباسط حمودة: "كل عيش ومتحكيش في المحكي"

هاجمت الفنانة شذى المطرب الشعبى عبد الباسط حمودة بسبب التصريحات التى أطلقها ضدها بعد ان قالت فى إحدى البرامج التليفزيونية انها "لم تغنى فى شارع الهرم".

ونشرت شذى عبر حسابها الشخصى على موقع "إنستجرام" رسالة الى عبد الباسط قائلة: "بالنسبة للأستاذ عبااااسط حموده انا سكت أول مره و قولت راجل كبير و عيب أرد شارع الهرم اللي بنسبالك مقياس والموالد اللي واضح إن من كتر ما إنت غنيت فيهم مضيقينك فبتحاول تعمل فيها متقبل الموضوع وبتقول وترد على نفسك وأساسا محدش عاب على اللي بيغنوا في موالد ولا شارع الهرم ما كل واحد يغني مكان مهو حابب محدش يقدر يقيم حد ولا يحكم على حد".

وأستكملت: " انا فعلا محالفنيش الحظ الفظيع اني أغني فيهم اعملك إيه طيب ؟؟ .إنت ليه بتحاول تعمل حوار وموضوع ... للأسف يا سي عبااااسط انا مغنتش في موالد ولا غنيت في شارع الهرم ولا كنت مع اللي راحوا الهرم ولا بتنصل والواقع ان فيه اختلاف ثقافات وتربية واسلوب".

وتابعت: "بالنسبة لأنك فجأة عملت فيها ( بيتهوفن الفن ) فأنا غصب عنك فنانة مش عافية مني و مش رأيي ده رأي الجهات المحترمة المعنية بالفن المحترم زي دار الاوبرا اللي اتشرفت وكنت صوليست فيها و طبعا مش هتفهم يعني إيه صوليست فهترجمهالك بلغتك يعني بقدم (نمره لوحدي )على أوركسترا بيقودها دكتور سليم سحاب و واحدة تانية كان بيرؤسها الدكتورة رتيبة الحفني (الله يرحمها ) فلو سمحت لما تطلع تاكل عيش في البرامج متحكيش في المحكي و تجيب في سيرتي وتبروز نفسك و تعمل فيها فلوطه لإنك نص معلوماتك الفنية في الحلقة رايحة في داهية وطبعا أكيد مش هتفهم ولا حرف من اللي أنا كتباه ده لإن اساسا الاغنيه اللي ضربتلك واتعرفت بيها كنت أساسا تايه فيها وطول مدة الأغنية مش عارف نفسك يعني واحد طول الاغنية بيقول ( انا مش عارفني انا تهت مني ) هعتب عليه فإيه والنبي لما يلاقي نفسه بقى نبقى نتفاهم".