ستظهر الصفحة بشكل مختلف لآنك تستخدم نسخة قديمة من متصفح
أنترنت أكسبلورر، استخدم
التحكم فى الخط و الألوان
الكاتب
جميع مقالات الكاتب
راسل الكاتب
أحدث مقالات الكاتب:
طباعة الصفحة
فهرس مساحة رأي 
جديد الموقع
الأكثر قراءة
- الوحدة الوطنية نعم أم لا؟.. كتاب لإيقاظ العقل وتنشيط الضمير
- لأول مرة في تاريخ مصر خطبة الجمعة تحتفي بميلاد السيد المسيح على التليفزيون الرسمي للدولة
- أسامة صدقي: لا علاقة لي بتفجيرات الإسكندرية والموساد الإسرائيلي يقف وراء العملية
- عادل إمام: الأقباط صعبانين عليا، عملوا إيه عشان يحصل لهم كدة؟
- تهديد كنيسة القديس "أثناسيوس الرسولي" بمنطقة "بيتبرج" بـ"ألمانيا"
قولى يامريم
الجمعة ٧ يناير ٢٠١١ -
٠٠:
١٢
ص +02:00 EET
| حجم الخط : |
|
|
 |
|
الى روح الشهيدة البارة مريم فكرى ورفقائها من الشهداء الابرار فى حادث كنيسة القديسين بالاسكندرية
بقلم : محبة مترى
قلبى حزين
صوتى حزين
قلمى حزين
شوارع مدينتى حزينة حزينة
قتلوا الفرحة طفوا الزينة
قولى يامريم............
خلصت خلاص
2010 خلصت خلاص
استمتعت فيها بكل لحظة
كانت جميلة وبكره اجمل
وطموحى عالى ووطنى غالى
ويارب حقق امنياتى
كبيرة جدا وسعيدة جدا
والحب مالى كل حياتى
طمانى كله فى ربى اللى
اقوى من كل الضغوط
لا شئ يخوفنى ولا يضايقنى
لا اضطهاد ولا حتى الموت
مادام معايا حبيبى جنبى
ايده فى ايديا هيعدى بكره
وبعده اجمل وبعد بعده
واعيش وانادى بحبه ليّ
واخدم بلادى برموش عينيا
ابنى واهندس بالحب ااسس
وارسم صورة ويا زمايلى
اللى معايا كانوا طول العمر
فاطمة واحمد وكمان لوسى
اللى ذاكروا معايا دروسى
اول صورة هتبدأ حالا
فيها هلال جنب صليب
عمر ما رسمى مرة يخيب
بس استنوا شوية عليا
رايحة اصلى وارجع تانى
اشكر ربى فى اول لحظة
على سنة جاية واحشانى
واول مارجع هاكتب تانى
بس ارمى ورايا احزانى
هارمى كل قديم ابكانى
ماهى خلصت خلاص
قولى يامريم...........
دمك يشهد ع اللى حصل لك
يازهرة جميلة بريئة وطاهرة
ياللي صفاتك للناس ظاهرة
قولى يامريم.............
ان آمالك خير وسلام
زي كل بنات الدنيا ليكى احلام
فرحة وطرحة وسنين جاية
وسعادة راح تملا الدنيا
لكن سافرتى يامريم وسبقتينا
لعريسك الرب يسوع
ويّا جوقة شهدا معاكى
منهم الخطيبين مارى ومينا
زفة سماوية عظيمة
افراح فى السما ووليمة
اتزفوا لبيتهم فوق
اللى اتمنوه بلهفة وشوق.
قولى يامريم....
قولى عن ماما واختك
اللى سافروا معاكى كمان
ولاهانش عليهم يسيبوكى
ويعيشوا بعدك احزان
قولى عن الدكتورة سميرة الغالية
عاشت كل سنين عمرها متفانية
علم وطب للناس تخدم
ويمكن جاها فى يوم المجرم
طالب تحليل
ولا عرفتش تحلل دمه
وجدت ان فصيلة دمه دى شاذة
مش معروفة
ولا درستها ولا مألوفة
سم مميت وخلايا اجرام
ومزيج خسة وغدر جبان
قالت ده مش انسان مش انسان
ده وحش مخيف حلل هو دم الغير
وميعرفش معانى لحب او رحمة او خير
حاولت مرة تعالجه
لقت الكره ده قاتل قلبه
فاكر انها خدمة لربه
مسكين صلت من اجله
قولى يامريم.............
خلصت خلاص
يا اسكندرية ياعروس يا حزينة
تاريخنا مكتوب بدماء ثمينة
محفورة بالنور فى الجدار
لكل جيل تفضل منار
تعزى كل ضعيف محتار
تحرق كل شيطان بالنار
وراكى يامريم
مستعدين للموت للسيف للشهادة
ولا يوم يمنعونا عن عبادة
ولاجوع ولا عرى ولا خطر
معانا يسوع فادى البشر
وكنيسته كل يوم فى الزيادة
خلص كلامنا خلاص
الرب هو اللى هيتكلم .
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع تقييم الموضوع :
