الراسل: يوسف جرجس
حتى وأنا متقطع
ايدى بتقول لك سلام
فيه بعد كده
تانى كلام
حتى وانا ميت
فاتح لك حضنى بالسلام
عاوز اسلم عليك
وبعدين انام
مسامحك انا صدقنى
بس باسال
حاتعرف تنام
حايجيلك نوم
بعد اليوم
ماظنش حاتشوف النوم
وربى اللى خلقنى
ويقدر يرجعنى
ماحاينفعك صلاه
ولا صوم
بص شوف كده
عملت ايه فينا
احزنت أهالينا
والكل بات مكلوم
طب سؤال اخير
قبل ما اطلع السما
حاتعيش كام سنة
واخرتها
عندك عشم لما تموت
تقوم
يا خا غلبان يا صاحبى
ان قمت على نار جهنم
تأبد فيها
وساعتها تصرخ
للأبد ما يجى لك نوم
ساعتها كل الألم
عندى يزول
وافرح انا والبس ثوب جديد
حتى لو مليت
جسمى خروم
اخد جسد نورانى
ربانى واعيش انا
فى حضن ربنا القيوم

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :