الاسكندرية – ايهاب رشدى
تداول بعض نشطاء مجموعة ( اسكندرية لحظة بلحظة ) على موقع الفيس بوك ، صورا لتلاميد  إحدى المدارس بمنطقة الهانوفيل بالعجمى ويطلق عليها " مدرسة الاوائل الخاصة "  وهم يؤدون صلاة الظهر جماعة فى فناء المدرسة ويبدو فى الصور بعض مدرسو المدرسة يتقدمونهم .  

وقد تباينت تعليقات أعضاء المجموعة بين مؤيد ومعارض لذلك ، فقال أحدهم " ما شاء الله .. الله اكبر ياريت كل المدارس كده " ، وقال آخر " فكرة..  ياريت تطبق على مستوى الجمهورية علشان اطفالنا يعرفو دينهم "  ، بينما علقت إحدى عضوات المجموعة على ذلك التصرف قائلة "  الموضوع ده حيعمل مشاكل كتير ياريت المدارس تركز في التعليم اللي حيبني الانسان وحيعرفه ايمانه بالله وبلاش نعمل تفرقة ماحنا مسلمين وانا كنت في مدرسة راهبات ومع ذلك مؤمنة موحدة وعارفه ديني كويس ودراساتي العليا في الدراسات الاسلامية كفاية بقي اللي حصلنا من وراء الفكر الوهابي اللي اتسبب في تشويه الدين الاسلامي ودمر شباب كتير وجعلهم ارهابيين قتلة .. ياريت نفوق " .