اتعودنا اننا نمشى خطو نخلصة نبنى عليها الى بعدها بمعنى لما اخلص الثانوية العامة واشوف هجيب كام وبعد ما ادخل الكلية تبع التنسيق لما اخلص الكلية هشوف اشتغل ايه وبعد الكلية افتح الجرائد واشوف صفحة الوظائف واروح اتقدم ومعايا سى فى معمولة عند واحد محترف ومجمع الشهادات ومتقبلش ارجع اقول ما هى بالوسطة 

 

واروح على القهوة واندب حظى واتسمى عاطل وونقول نسبة البطالة بتزيد فى البلد 

 

البطالة مش فى البلد البطالة فى الطريقة الى اتبعتها فى حياتك 

طب الحل 

 

الحل انك تعرف عقلك بيشتغل اذاى وتقدر تستفيد منه وتستثمرة اذاى 

 

مثال : المهندس ينفع يقول اجيب الارض وبعدين افكر اعملها ايه وبعد مايجيب الارض ويحفرها يبدا المبانى ويحط الطوب زى ما يطلع ولا --------

يبدء المهندس الاول يفكر فى مكان هادىء ويتخيل الشئ الى هيعملة ويفكر فيه بعقلة ويتخيلة بكل الابعاد ويفضل يرسم المنظر فى خيالة حتى ينتهى ويلونه ويشوف ادق التفاصيل فيه بعد كده يمسك الورقة والقلم ويبدء بتحديد الابعاد ويرسم الجزء المسطح وبعد كده يجسمة على الورقة ويحدد التفاصيل بنسبة وتناسب من الشباك والباب حتى اماكن الزرع والشمس هتدخل منين والظل فين والبحرى والقبلى ويبدء يلون ومش كده وبس يبدء يعمل ماكت مجسم تقدر تتفرج عليه من كل الجهات وبعد كده يبدء فى التنفيذ بجدول زمنى هيخلص الاساسات امتى وهيبدء العمدان وهتخلص امتى ويكون عارف امتى بالضبط هيخلص المبنى وحاسب التكلفة بالضبط 

 

انت كمان تقدر تعمل كده على مستقبلك كله وذى ما هترسم هتلاقى ان كان مبنى كامل ويليق بيك ولا شئ اخر 

طب اذى 

1 اجلس مع نفسك فى مكان هادى ولاحظ تنفسك 4 – 2 – 8 

وابدء احلم وفكر وحتى تصل الى هدفك وارفع سقف احلامك ووضحة ولونه واتخيل نفسك وانت محققة وشوف ردود افعال كل الناس  هدف ينتهى بعد 30 سنة تكون حققت كذا وكذا وكذا 

 

فى مقولة بتقول لن تحلم اكثر مما تستطيع  لان حلمك نابع من عقلك وعقلك عارف كل امكانياتك 

2 هات ورقة وقلم وابدء اكتب هدفك على ورقة بيضاء وعلقها قدامك وفى كل مكان 

3 هات ورقة بيضاء كبيرة واكتب الهدف بعد 30 سنة واقسمها 3 مراحل كل مرحلة 10 سنوات واقسمة الى خمس سنوات واكتب دلوقتى انا هعمل ايه عشان

 

ابدء فى التنفيذ 

4 جيب ورقة واقلم واكتب كل امكانياتك وفى نصف الاخر اكتب مصادر المساعدة 

كل كلمة بتتكتب فى الورقة عقلك بيسجلها وبيرتب نفسه لتنفيذ كل ما كتب 

نرجع لقصة الشاب الى بيقول لما اخلص مرحلة مرحلة الصح ايه 

 

الصح من دلوقتى تحدد المجموع الى عايزة فى الثانوية العامة لانك محدد هدفك عارف هتجيب كام وهتدخل اى كليه وانت فى كل هذه المراحل بتحسن فى مهاراتك الشخصية  وايه الكورسات الى تدعم هدفك على ما توصل لنهاية الجامعة هتكون حققت جزء كبير من هدفك وتوصل لمستوى جميل وانت فى العشرينات من عمرك وبكده هتكون راضى عن حياتك وتقدر تقول لربنا انا تاجرت وربحت بوزنتى الى هى عمرى عطية ربنا ليا وبكده تكون الحياة حلو بس نفهمها