الخميس ١١ اغسطس ٢٠١٦ -
٠٥:
١٢ م +02:00 EET
انت بتخدم مين!
ابرام تاوضروس - كاتب ومدرب تنمية بشرية
السيد المسيح من أجل لقائه بالسامرية ومن أجل خلاصها
مشى علشانها مشوار طويل ومر فى وسط بلد كان من الصعب
أى شخص يهودى يمر فيها لكنه اتحمل وراح وقعد جنب البئر
وطلب منها يشرب... رغم انه هو ينبوع الماء الحي.
ياترى احنا فى خدمتنا بنخدم السهل بس؟
ولا بنمشى ونركب مواصلات واحياناً نسافر ونتحمل ؟
بنختار الشخص اللى خدمته سهلة ولا بنختار الاصعب؟
بتختار وتختارى تخدموا بس اللى لسانهم حلو معكم ويمجدو ويمدحو فيكم
ولا بتخدم الكل ؟
ياترى بتخدم مرضى وطريح فراش ومستخدمى كراسى متحركه ولا بتنتظر
اللى يقدر يجيلك لحد عندك؟
بتحب تتظاهر وتخدم قدام الناس ورايح فين رايح الخدمه جاى منين جاى من الخدمة
ولا بتخدم فى الخفاء وتتحمل كتير وواثق فى تعويض ربنا لك؟
كاتب فى صفحتك على الفيس "خادم الرب" وفى الخاص بتخدمه فعلاً بتكلم الناس عنه ؟ وتعمل خير ؟ بتقدم مشورة وارشاد ونصح ؟ ولا
فى الواقع بتخدم حد تانى ؟!!
بتخدم أشخاص ولا بتخدم المسيح اللى فيهم؟
منتظر أجرك هنا ولا واثق ان لك رصيد فى الابدية؟
English
والد اللاعب المسيحى الذى رفضه نادى سموحة يستغيث بالرئيس السيسى 