في لقاء نادر، حاور العندليب الراحل عبد الحليم حافظ الفنان الراحل عمر الشريف، وتطرق الحوار إلى موضوعات كثيرة، وسأل عبد الحليم عمر الشريف عن صداقاته وعلاقاته بعد انتقاله للسينما العالمية، فقال عمر " دايمًا حاسس إنى غريب وماليش أصحاب هنا في المجتمع الجديد، وصعب إنك تلاقي أصحاب هنا".

وتحدث الشريف عن صداقاته في مصر، قائلًا "في مصر أسهل حاجة إنك تلاقي أصحاب لكن بره بيكون الوضع صعب، وأصدقائي الحقيقيين هما اللي في مصر بس فمثلًا في النادي الأهلي ونادي البلياردو ليا أصحاب كتير جدًا وأصحاب من المدرسة والواحد كان بيقدر يحافظ على صداقاته لوقت طويل".

وتابع، "لكن بعد ما اشتغلت في هوليوود وانطلقت في السينما العالمية بقى صعب جدًا انى أكون صداقات لأن العقلية مختلفة وصعب حتى بينهم وبين بعض تلاقي صداقة حقيقية، وماكنتش بلاقي نفس الروح اللي بلاقيها في مصر مع أصحابي، وكمان أنا اشتغلت في أماكن كتير جدًا وكنت بقعد في لوكاندات ومدة قصيرة مش أكتر من 3 شهور فأول ما أعرف حد أو اتعرف على حد أسافر، ودي أسباب إني ماكانش ليا صداقات بجد".