السيسي: "أنا واحد منكم قلتولى تعالى.. وإحنا بنهابر"

الرئيس: "مقدرش أنام وآكل وأبقى مبسوط وغيرى لا يأكل ولا ينام"

كتب - نعيم يوسف
تتميز غالبية خُطب وكلمات الرئيس عبدالفتاح السيسي بأنها "ارتجالية"، وبها قدر كبير من الأحاديث العاطفية، والتي كان أخرها اليوم، حينما قال إنه لا يستطيع النوم، ويوجد بعض المواطنين بالعشوائيات لا يجدون ما يأكلونه، ونعرض في التقرير التالي أبرز التصريحات العاطفية التي قالها الرئيس السيسي في خطبه.

"مقدرش أكل وغيري لا يأكل"
أكد الرئيس السيسي، اليوم، الاثنين، خلال افتتاحه المرحلتين الأولى والثانية من مشروع "حي الأسمرات"، لتطوير العشوائيات، أن تطويرها يحتاج إلى 14 مليار جنية، مشيرًا إلى أنه دائم القول لرئيس الوزراء ووزير التخطيط، بأنه "ليس أمامنا خيار آخر"، مضيفًا: "مقدرش أنام وآكل وأبقى مبسوط وغيرى لا يأكل ولا ينام.. الدولة أهل البلد كلها.. وعلى الجميع أنا وجارى وزميلى اللى هنا وهناك فى كل حتة فى مصر نحط إدينا فى إيد بعض مش علشان محدش يعايرنا بفقرنا.. لا مدام عندنا فرصة للتطوير".

"أنا واحد من الشعب"
خلال كلمته في الذكرى الثانية والأربعون لنصر أكتوبر، قال الرئيس للشعب: "أوعوا تكونوا بتتعاملوا معايا على إنى صاحب سلطان.. أنا واحد منكم قلتولى تعالى عشان خاطر بلدنا..  ممكن صاحب السلطان له تصور فى حاجة زى كده، وإن شاء الله لا"، مضيفًا: "إحنا بنهابر .. ومش بننام.. عشان البلد ترجع تقف على رجليها".


"أنا بتكلم برفق دايما"
وفي كلمته مطلع شهر يناير الماضي، احتفالا بيوم الشباب المصري، قال السيسي: "أنا بتكلم برفق دايما.. لأن الشعب المصري قاسى كتير.. وحقه عليا أبقى رقيق معاه.. لكن .. هو القوة بالصوت العالي ولا إية.. القوة بالقرار.. والرجولة.. والوقفة.. مش بحاجة تاني".


"مضيعناكمش قبل كدة علشان نضيعكم تاني"
وأكد الرئيس السيسي في خطابه للشعب المصري، يوم 30 ديسمبر عام 2015، خلال حديثه عن سد النهضة الأثيوبي، قائلًا: "هما أكدوا لنا.. والتأكيد مش لازم يتكرر كل شوية.. لكن أجد إن أهلنا المصريين قلقانين أوي.. أنا معاكم في القلق ده لكن بقولكم اطمئنوا.. الأمور ماشية كويس.. وخلوا بالكم.. مضيعناكمش قبل كدة علشان نضيعكم تاني".


"أنا مش إخواني ومش سلفي"
في أبريل الماضي، خلال لقائه مع الأسرة المصرية قال الرئيس عبدالفتاح السيسي، أنه لا ينتمي لجماعة الإخوان المسلمين، وقد أكد لهم ذلك منذ أن رشحوه لتولي منصب وزير الدفاع، مشددًا: "أنا مش إخوانى ومش هبقى إخوانى ومش سلفى ومش هبقى سلفى.. أنا إنسان مسلم بس"، مشيرًا إلى أنه كان طبيعي لأي انتهازي أن ينتهز الفرصة، ولكني قدمت لهم نفسي كالأتي: "أنا مش إخوان ومش حابقى إخوان.. ومش سلفي"