نشر الفنان أحمد مالك اعتذارا عبر صفحته الشخصية على موقع التواصل الاجتماعي "فيس بوك"، قائلًا "بعتذر بشدة لكل شخص أساءه الفيديو وخاصة الشرطة.. الفيديو فعلاً فيه تجاوزات لم أتوقع أنها تخرج برة دايرة الأصدقاء وده مش مبرر على الخطأ، أنا عمري عشرين سنة، وساعات في السن ده الأفكار المتهورة بتسبق التفكير العقلاني، وللأسف الغلطات دلوقتي بقت مسجلة، ومصوره، وده بيديها عمر وحجم أكبر من حجمها الحقيقي، دي لحظة تهور ولحظة مش محسوبة، وفعلاً ندمان عليها، وحاولت مسحها، لكنها انتشرت قبل ما أقدر أنقذ الموقف".

وتابع مالك، "يمكن الموقف ده كله نابع من إحباط عدم القدرة علي التعبير عن الرأي، اللي جيلي حاسه الأيام دي، بس برضه ده ميدينيش الحق أني أتجاوز أو أعبر عن رأيي بطريقة متجاوزة في حق الآخرين، أكتر حاجة مضايقاني أنه هيتم استخدام اللحظة دي لتشويه الثوار، والثورة، ومقدرش ألوم حد في النقطة دي إلا نفسي اللي الإحباط عماها.. أتمني من الجميع أنهم ميتعاملوش مع اللحظة دي على أنها بتلخصني ويتعاملوا معاها أنها لحظة عابرة لن تتكرر، مرة أخرى بعتذر".