vetogate.com | الثلاثاء ٨ ديسمبر ٢٠١٥ -
٠٩:
٠٤ م +03:00 EEST
صورة ارشفية
دافع عمرو خالد أحد أصدقاء الداعية الراحل أحمد الجبلى، عن "أحمد" عبر صفحة "سفير الخير أحمد الجبلى" على موقع "فيس بوك" عن صديقه الراحل وتبرأ من تصرفات زوجته مصممة الأزياء رضوى جلال.
وأكد أنه ليس لديه معلومات عن رضوى جلال صاحبة دار مليكة للملابس الجاهزة، التي اتهمها البعض بالنصب والاحتيال لتحريرها شيكات دون رصيد مستحقة الدفع وادعى البعض سفرها إلى الخارج هاربة بمبلغ 15 مليون جنيه من شركائها.
وأشار إلى أن طفلها من الجبلى "عمر" ليس معها وأنه بخير.
وجاء المنشور بعدة نقاط كالتالى:- #عمرو_خالد من أصحاب جبلي رحمه الله عليه.. مكنتش عايز أكتب حاجة بس لقيت ناس بتكتب كلام وتهكمات على جبلى الله يرحمه وحبيت أوضح بعض النقاط تعرفها قبل ما تبدأ تحكم أو تقول حاجة:-
1- "جبلى" الله يرحمه قليل أووى اللي يعرف عنه حاجات ومش هقعد اكتب جبلى كان بيعمل ايه ومش بيعمل ايه!! جبلى توفى وترك أثر في حياه ملايين من الناس في العالم كله فبلاش تقليل أو شك أو تهكم على جبلى علشان مش هنسمح أي حد يقل من شأن جبلى الله يرحمه.
2- من امبارح ناس كتير بعتت ليا على موضوع رضوى جلال زوجة جبلى الله يرحمه انها نصبت على شركاه معاها في شركتها "مليكة" بمبلغ أكثر من 15 مليون جنيه وناس من التنصب عليهم كلمونى علشان يوصله إلى أي حاجة، رضوى سرقت أو نصبت أو عملت أي كارثة ده يرجع لها مش يرجع لجبلى فخليك منصف وحدد كلماتك قبل ما تتكلم.
3- عائلة جبلى وأصحاب جبلى واى حد له علاقه كبيرة بجبلى معندهوش أي علاقة برضوى ولا يعرف أي حاجة عنها ولا عن العائلة بتاعتها فياريت محدش يقعد يبعت للدائرة ده أي حاجة بخصوص موضوع رضوى.
4- عمر جبلى كويس وبخير ومش مع رضوى ودعواتكم له علطول واكيد ملهوش أي ذنب بأفعل رضوى نهائيا.
5- بعد وفاه جبلى الله يرحمه ناس كثيرة استغلت استعطاف الناس لقصة وفاة جبلى وعملوا صفحات باسم جبلى وجمعوا فلوس والله اعلم بيعملوا بيها ايه، ف أي تصرف غير موثق بيها من عائلة جبلى أو من فريق "صحابى" ليست لها أي علاقة بجبلى نهائيا.
6- الأيام الجاية السوشيال ميديا هتبدأ تكتب والكلام يكثر فخليك عارف النقط الفوق ده علشان تقدر تحط صورة كاملة واضحة عن أي حاجة.
وختم رسالته قائلا: "كتب البوست ده علشان زى ما ناس كتيرة حياتها اتغيرت بسبب جبلى لازم تعرف إن جبلى حاجة ورضوى جلال حاجة تانية خالص فخليك منصف لو سمحت".
تنوية هام: الموقع غير مسئول عن صحة أو مصدقية أي خبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.
English
حريق هائل بمطرانية أسوان والسبب مجهول