بقلم - أماني موسى
الفساد في أجهزة ومؤسسات الدولة كفيل بهدمها قبل الإرهاب.

أقيلوا محافظ الاسكندرية بس بردة المشكلة مش هتتحل، لأن مش هو المشكلة أساسًا.. المشكلة تبدأ من أصغر عامل لمسؤول المحليات لرئيس الحي ثم المحافظ بقى ويليه آخرون وفق التدرج الوظيفي .

أقالوا من قبله  وزير العدل عشان تصريحه عن ابن عامل النضافة، جميل، هل بعدها لقينا ابن عامل النضافة بالقضاء؟ ولا هيحصل.

المصري متعود على فكرة كبش الفدا اللي استمدها من معتقداته الدينية، أن حد يجي نفصّل عليه التهمة ونشيّله الليلة.

المسيري مشى .. بس مش هنصحي الصبح نلاقي الأمور ظبطت أو آثار السيول اتعالجت أو تم تعويض المتضررين، اقلكوا الأسوأ ولا هيحصل أي تطوير في البنية التحتية ولا هيتواجه فساد المحليات ولا أي شئ من هذا القبيل لأننا دايمًا بنعالج النتايج مش الأسباب اللي وصلتنا للنتايج دي، وإلى اللقاء في الكارثة القادمة.

رحيل المسيري مش هو الحل لأنه بالأساس مكنش هو المشكلة.

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :