للشاعر والأديب فايز لبهجورى
  1-     نداء الى من يتطاولون على مصر وشعب مصر
مصر الكبيرة حتفضل كبيره        بشعب تاريخه عريق فى الحضاره
مصر العظيمة حتفضل عظيمة        بمعدن رجالها  بحق وجداره
مصر القويّة حتفضل قويّه             بعزم رجالها حتفضل مناره
مصر القيادة حتفضل رياده        مكانها فى محيطها يكون فى الصداره
ومصر الريادة  بترسم طريقها         بحكمة ..  وتحدّى ..وقوّة ..وجساره
بخبرة تاريخها .. وهمّة رجالها ..         وأبعاد طموحها .. وحسن الاداره .
                    *-------------------***------------------*

تاريخها بيحكى صلابة رجالها     فى وجه الأعادى... فى كل العصور   
تجدهم " حمائم  " فى وقت السلام     وعند التحدّى تجدهم  "  نسور "
وعودوا لتاريخها  عشان تفهموها     واقروا  المعانى  ما بين السطور
 *--------------------------------------------------------------*

   خليك فى حالك وبلاش تناكف فى خلق الله  -2 يللى انت بتناكف فى خلق الله.
اتلم.. واعرف حدودك .. والتزم بيها
وعيش حياتك على طريقتك وسيب غيرك
يعيش حياته بطريقته . بدون  دخول فيها
يعيشها مؤمن .. يعيشها عاصى..
له رب شايف حياته ازاى يقضّيها
ما لكش دعوه انت بحياته .. ولّلا  بصيامه
وللا بصلاته  .. وازاى يصلّيها
لو كل واحد يقوم ويفرض طريقته
على كل واحد وواحده  خالفوه فيها
تبقى الحكاية ما هياش عباده ولا  تديّن
دى تبقى فوضى وبدعه ولازم نصفّيها
*--------------***--------------*

3- مين العاقل فينا
أنت تقاطع بعض الناس      وتحرّم تحضر حفلاتهم
أو تستنكر  أن يحتفلوا      بمناسبات فى معتقداتهم
هم أحرار فى معتقداتهم  ... واحتفالاتهم ... ومناسباتهم
ومش من حقك أن تتدخل    فى شئون غيرك وفى عاداتهم
طالما هىّ ما تخصكش.
وما يضركش  قيامهم بيها.
وليهم رب  هو اللى خلقهم    وهو لوحده العالم بيها
يبقى سيادتك  تلزم حدّك  وسيب الخلق تعيش عاداتهم