فؤاد المهندس قالها لفوزية ليلة فرحها في إطار كوميدي لما طفشت عربسها لانها متشددة ومتدروشة ومش متصارحة مع نفسها وفاهمة الدنيا غلط،

وهذا هو موقف أقباط كندا من اقتراح تصحيح الخطا الحسابي في تاريخ الاحتفال بعيد الميلاد!!!! هاقولكم ازاي، بس اصبر علي الرز عشان ما يعجنش

تعالوا نمحص المنطق المعوج بمثال: كان في نصف مليون متر مكعب خرسانة في جسم السد في مشروع قناطر نجع حمادي، محتاجين ندبر زلط ورمل بهذه الكمية المهولة، معدلات الصب كانت ١٦٠٠ متر مكعب في اليوم او ما بين ٣٠،٠٠٠٠ الي ٤٥،٠٠٠ في الشهر، دي كمية مهولة. الحاج بريقع كان مورد الزلط في المنطقة المختارة المحجر وعنده ٢ او ٣ مهزة في اتجاه قرية البلابيش شرق النيل ....... إنتاجية المهزة الاثرية بتاعته حوالي ١٥٠ متر مكعب في اليوم، لو اشتغلت ورديتين بدون اعطال، يعني محتاجين حوالي ١٢- ١٥ مهزة بيشتغلوا زي الساعة الاوميجا بدون توقف. طبعا الحاج بريقع يمثل العقلية المصرية الصعيدية المتحجرة، نحاول نفهمه انه احنا - أوراسكوم - لازم نؤسس المحاجر والمهزات بتاعتنا - بجانب مهزة امنحتب وتحتمس بتوعه، عشان ينفع نوفي طلبات السد، والحاج بريقع علي رأي واحد "لع" انا بس اللي هاورد الزلط! ااااحاج ، يهديك يرضيك، احنا محتاجين علي الأقل عشر أضعاف المهزة الاثرية بتاعتك وزيهم في مساحة المحجر عشان نوفي....... "لع"، يا اما انا أورد الزلط كله يا بلاش منها الشغلانة دي خالص، طيب يا حاج بريقع احنا متضايقين انك مش هتشتغل معانا وتشاركنا بمجهودك........ ااااااحاج في رزق يقضي الكل ويفيض يا حاج،،،،،،،،. برضه رد واحد "لع"! وبالفعل انسحب الحاج بريقع واحنا رخصنا محاجر وركبنا كذا مهزة........ وربنا يمسي بالخير م هلال و م ممدوح و م عبد الرحمن وكل مهندسين أوراسكوم المحترمين، وخلصنا المشروع بدون الحاج بريقع، ومتصورلي لسة بيقول "لع" لحد النهاردة!!!!!!

البابا تواضروس راح لأقباط كندا وقالهم ايه رايكم نوحد عيد الميلاد ليوم الكريسماس الغربي، قلت مين؟ ايون سيادتك البابا تواضروس بابا الاسكندرية وبطريرك الكرازة المرقسية، بنفسه، قال لهم كده، وهما قالوا "لع"، مش كده وبس........ دول بياكدوا ان ولادهم، الجيل الجديد، اللي متربي في كندا، هم اللي ماسكين لواء ال "لع"، والجيل القديم، يا حوستي، فخورين انهم ورثوا ولادهم متلازمة ال "لع بريقع"!! وبيقولك احنا مش هنحتفل مع الكفار اللي مايعرفوش حاجة عن ربنا، يعني مش بس وساخة مخ، لا بجاحة وادانة كمان.......... يعني ديفاينج لوجيك اند ريزون......... بيقولك اصل ولادنا عاوزين يبحتفلوا مع أخواتهم في "البلابيش" قصدي في مصر، يعني البطرك، اكبر سلطة ومرجعية دينية بيقول لهم في خطا في تاريخ عيد الميلاد، ايه رأيكم نبتدئ بيكم في تصحيحه عشان متوسم فيهم ان برد كندا خلهم يغيروا اُسلوب "اللع"، لكن هيهات، في لع في كويبك واونتاريو ومانيتوبا وكل البقاع لع لع.....

كنتوا خليتوه يمسك إيدك يا فوزية، أقلها كنّا نحتفل الكريسماس في ميعاده الصح

علي فكرة الانفريند اوبشن متاح لكم، والبلوك مرحب به من طرفي لأَنِّي مش ناقص صداع......