نعت الإعلامية ريهام سعيد خلال برنامجها «صبايا الخير» والذي تقدمه على قناة «النهار» نفسها بأنها «جاهلة»، بحسب قولها.

 

وقالت «سعيد» بإحدى حلقات برنامجها معلقة على تحليل الشيخ محمد عبد الله الزنا للعزاب وعلى تسميته بـ «ميزو» قائلة «أنا سألت نفسي سؤال هل لما حد يقول حاجة متعجبكش أو اجتهد اجتهاد أنت مختلف معاه فيها هل هذا يعطينا الحق أن نسمي محمد عبد الله (ميزو)، أنا النهاردة لا بقول ده صح ولا بقول ده غلط إحنا اتفقنا أن أنا حمارة أنا أسفة في اللفظ بس أنا بجبلكم من الآخر عشان إيه محدش يطلع يقول انت بتفهمي إيه انا بقول على نفسي أهوه أنا جاهلة ولا بأيد ده ولا بعارض ده ».

 

وأضافت «سعيد»: «أنا النهاردة بتكلم على الطريقة والخطاب الديني اللي لازم يأخذ شكل تاني عشان نحارب الفكر الفظيع اللي ممكن يبقى خطر علينا اللي هو أصلا سبب الإرهاب (مشيرة إلى العقل) هنا مش السلاح».

 

وتابعت «سعيد»: «خليت الإعداد يتصل بمحمد عبد الله قالوله إنت اسمك ميزو ولا حكايتك إيه فقال لا أنت يا أستاذي قلت أن العازب ينفع يزني وميعتبرش ده زنا فالراجل قال لأ انا كل الي عارضت فيه الرجم لأن مفيش نص قرأني اتكلم عن الرجم.