صفنات
جرت العادة كدة .. نقول سيادة الرئيس .. وانا هقول نفس الشئ ...
سيادة الرئيس يؤسفني انك لا تستجيب لاصوات مخلصة لا تبغي الا صالح هذا البلد المنكوب .. أة .. مصر بلد منكوب .. لية بقي .. ؟؟

الاخوان مسكوا البلد سنة .. في السنة دي .. فصلوا البلد علي مقاسهم
اصبحم موجودين في كل قطاعات الحكومة وهيمنوا عليها .. دخلوا ...
النقابات وهيمنوا عليها .. هيمنوا علي كل شئ في البلد .. جة اخونا

السيسي وبنزعتة الوطنية التي وجدت صدي لدي الشعب المصري الذي
صدم في كيفية ادارة الاخوان لبلد في حجم مصر .. وصعق لتدهور
كافة الامور وعلي جميع المستويات .. خرج الشعب يقرر ما هو صالح
لمصر .. وجاء السيسي يخلع القيادات الاخوانية ويضعهم في السجون
ومن بساطة الشعب المصري .. اعتقدوا ان الامور خلصت واحنا في

طريقنا لبناء مصر ... كل التغيير اللي حصل ان الاخوان لم يعودوا
يحكمون ..ولكنهم موجودون في هيكل الدولة وفي كل مكان .. محدش
شالهم .. زادت وطمطمت الحكاية ان الرئيس السيسي صاحب نزعة
دينية ماشية كتف بكتف مع نزعتة الوطنية .. واتي بحزب النور الذي
علي ما يبدو يروق لة .. انظروا حتي لخطاب الرئيس الاخير ..
خلف منصة السيسي هناك علم كبير ضمن الاعلام موجود علية
السيفيين هو هوا علم مصر بس اضافولة سيفين ..

الكلام دة معناة اية ان الهلوسة الدينية تسري في المجتمع المصري
من ساسة لراسة .. علاوة علي زبيبة الصلاة التي تعلوا هامة الرئيس
من الآخر لم يتغير شئ .. والهلوسة الاسلامية في كل شبر في
مصر ..الوجوة بس بتتغير . .

شوف ياسيادة الرئيس .. ماينفعش دة من الآخر وعلشان اثبت لك كلامي
انا عايز الاقباط هما كمان يعملوا حزب ويسموة الحزب المسيحي
الديمقراطي .. ولابد من الموافقة علية ذي ما الرئيس موافق علي وجود
حزب النور .. لكن نتيجة الكلام دة ان البلد هتولع .. اذن نحتفظ بالفكرة
لحين ان يتخذ الرئيس السيسي قراراً بحل حزب النور وبالمرة يقفل لنا
حزب الوفد .. دة حزب عطلان ميت هوا ورئيسة ....

اية رأيك ياسيادة الرئيس انشاء الحزب المسيحي الديمقراطي والبلد تولع
او حل حزب النور .. ايهما اسلم ...

فكر يامعلمي .. الي يفكر يكسب .. الأقباط لن ينضموا لحزب النور
وبالتالي سيظل حزب النور حزب ديني مخالف لدستور والرئيس
موافق علية ....

من الآخر ياريس ما ينفعش اي قوي لها صبغة دينية .. تحكم مصر
وما ينفعش رئيس لة صبغة دينية يحكم مصر ....
فكر وقول قرارك لشعب مصر .