السفير/  مصطفى راشد
مصرُ ياغُرة الزمان    ----    ياعبير الأرض وعطر المكان
يانبض القلب والحب والحنان  ---- ياأم الصابرين والبسطا الجدعان
مهما إرتويت من نيٌلك  أرجعلك تانى  بالحنين عطشان
باأصلى، وأغنيلك، ربنا يحميكى  من كل أحمق شرير جبان
وبكيت ياأمى  وأنا باأغنيلك  بلهفة  الأبن الحزين الولهان
بَذَكر، ومدح ، وترانيم -- كل يوم بدعيلك تعيشى بأمان
ويبعد عنك الإرهابيين الخونة  المجرمين مفجرى الإنسان
الملحدين الكفرة الفجرة  المتأسلمين  مدعى الإسلام والدين 
دا أنا ياما صليت  علشانك  --  ياأمى ياست كل عصر وأوان
وأنا شايفك  --  كل يوم  بتزفى شهيد ورا شهيد
من أولادك  الأبطال إللى بيرسموا تاريخك  الجديد
بوسة منى على راس كل أب وراس كل أم شهيد
بتزفه الملايكة لأبواب السما  والجنة بفرحة وعيد
 علشان بلدنا الطيبة تعيش بأمان ووحدة وعزم شديد
وتكمل مشوار التنوير والضمير والحضارة وتقديم الجديد
ويعيش ولادك أهل وجيران بهدوء ويكون الكل سعيد
مهو إنتِ  شمعة ومنارة وحضارة  لكل قريب وبعيد
وإسألى كل عربى هيقول فداكى ياأمى يامصر ياحضن كل وليد
يارمز الثقافة  والحداثة والتنوير الكل ليكى عاشق ياحبى الوحيد
فقيرة، بسيطة، بدقة،-- بحبك -- والنكتة سرشعبك القوى العنيد
إللى قال للعالم فى 25يناير و30يونية  هنا شعب من حديد
قادر دايماً  يغير التاريخ ---- ويفاجىء العالم بكل جديد
شعب تفتخر بيه وتردد أغانيه-- رمز للأصالة والتقليد
مصر هى المكان والزمان -- والتاريخ العظيم  المجيد
بحبك من غير سبب -- وفداكى عمرى ياأم الشهيد