بقلـم : مهندس عزمي إبراهيم
عنـدي سـؤال لشيخنا الطّيــِّــب      إيـه معنــاهـا تطَلـــَّــع فتــــوَى؟
لا هي بتريــَّـــح ولا بتطّيــِّــــب      ولا لها معـــنى ولا لها دعــوَى!
"للأقبــاط أن تبــني كنـايـس      بما لا يضـر الأمـن القـومي"
***
إيــه معنــاها تطلـــَّــع فتــــوَى؟      عشـان القبــطي يبـني كنيسـتُـه
هـل من منصب سُلطـة أخدتـــه      أو تــــوب ديـــني أنــتَ لبســتُـه
شعـورك إيـه يا فضيـلة الشيــخ      مِـن غيـــر تريَقــــة أو تأليـــس
لـو قلنــا المُسـلم لبنـــاء جامــع      يلزمــُـــه فتـــــوَى من قسّيــس
***
والا فضيلتــك قلــــت الفتــــوَى      علشـان تثبــت إنــَّــكوا أقــــوَى
قوللي يا شيـخ أقــوى من ميـن      دا تمييــز مايجيـش مـن ديــــن
دا بصراحــة دليــــــل الفـوضى      ما تصَحِّـش مِن نـاس عاقليــن
***
إيــه معنــاها تطلـــَّــع فتــــوَى؟      علشـان تِحـمي الأمــن القـومي
هـو الأمــــــن مالـوش وزارات      والا الـدولـــــة بقَـــت بُهـــارات
لـو "الأمــــر" في إيــد الشيـخ      تبـقى الـدولـــــة بقـــت بطيــــخ
***
حَلِّفتــــك يا فضيـــلـة الشيـــــخ
حَلِّفتــــك بما يـرضي ضميـــرك
حَلِّفتــــك باللـــــــه، وبدينــــــك      الإرهـــاب كـان قـــــدام عينـــك
وانـت "خَيـْــرُ" العارفيــن بيـه      يا شيخ "طيـِّـب" مين قـام بيـه
ميـن هــــدد الأمــــــن القــومي
كنــت معــــانا.. شـايـف سـامـع      كانـوا طالعيـن من قلـب جوامـع
وكانـوا بيصلـُّوا صـلاة الجمعـة      وكل الدنيـــا شـايـــفة وسـامعـة
بعـد مـا سمعـوا خطـاب الجمعـة
بقوا ثـوار وولعـوا نـار
هاجـوا وماجـوا
وهتفـوا وخَطفـوا وسَرقـوا وحَرقـوا
وهَدَمـو وعَدَمـوا وسَحلـوا وقَتلـوا
ودي مش مَــرَّة
قول مِيـت مَــرَّة
قوللي بربـــك، قــول الحــــق
زي الشمـس "ثابــت" رســمي      ميـن "هـــدد" الأمـــن القــومي
اِنتـــو..!!!

اِنتـو "هَـدَرتـوا" الأمــن القـومي
اِنتـو "اقترفتـوا" جريمـة العصـر
اِنتـو "هَـدَرتـوا" كرامـة مصر
رَجَّعتــم عَصـر الفسطـاط!!
مش الأقبـاط!!
***
يا شيخ "طيـِّـِب"
كــل بــــلاد العــــــــالـم أجمـــع
فيـها كنايـــس.. فيـها جـوامـــع      فيـها معـابــــد.. فيـها مجـامـــع
فيـها رمــــوز كـــل الأديـــــــان      فيـها مِلـــَــــل أشـكـال والـــوان
من كــل مكــان
وما فيش ديــن يستقبـل فتــوَى، مِـن ديــن تاني
وما فيش ديــن يقــدر يستقـوَى، على ديـن تاني
وما فيش ديــن يمنـح أو يمنــع، عـن ديــن تاني
وما فيش ديــن لـه أيـَّـة سلطـة، فوق ديــن تاني
***
يا شيخ "طيـِّـِب"
عصـر الغَـــزو وَلـَّى وراح      وحكم الديـن خلاص انزاح
سيب النـاس تِهـدا وترتاح      يمكـن مصـر ينولـها فـلاح
وأولادها توفيـــق ونجــاح
رَح أقولها.. وبكل كياســة      ما تِعجِنش الديـن بسياسـة
أمــر "الأمــن" بالقوانيـن......والقوانين مش أمـر الديـن
فسيــب الحكــــم وإنجـــازه
وسيــب العيــــش لخبـــازه
*****