صفنات فعنيح
نحن لا نحتاج إلي طاقة نووية لإنتاج الكهرباء .. كل دية مشروعات
تضعها الدول المتقدمة في عقول الدول المتخلفة .. لابتزاز الأموال
وجعل الدول المتخلفة ذي مصر .. ذليلة دفع تكلفة هذه المحطات
بالمصري كده ربط الدول المتخلفة من رقبتها بحبل وجرها إلي أي
منعطف .. وزى ما هما عايزين .. منطق المدان عبد للمدين
أمامنا تكنولوجيا تحويل الطاقة الشمسية إلي كهرباء ارخص كثيرا
وليس لها آثار بيئية .. أمريكا ذاتها تمتنع عن إنشاء هذه المحطات
وجعل كيلووات الكهرباء يساوي اقل من  سنت .. وذلك لتكلفة
الصيانة العالية في إدارة تلك المحطات النووية .. والآثار المدمرة
البيئية لوجود هذه المفاعلات .. وعدم السيطرة علي النتائج المرعبة
التي قد تحدث من انفجار هذه المفاعلات  .. وسبب آخر وهوا
الأهم لو وصل سعر الكيلووات اقل من  سنت .. لن تستمع الحكومة
الأمريكية ومافيا إنتاج الكهرباء .. بالمال الوفير الذي يدخل جيوبهم
ويخرج من جيوب الشعب الأمريكي .. لهذه الأسباب مجتمعة لا
ينشئون محطات نووية لإنتاج الكهرباء .. لكنهم يعرضون الفكرة
بشكل شيق وجذاب .. للدول الغبية  .. وحسب غباء قادة هذه الدول
يشفطون الفكرة تحت تأثير ضخامة مشكلة انقطاع التيار الكهربائي
وإزهاق أرواح الناس .. في هذا الجو الحار .. الجهنمي .....
نحن في مصر لا نتحمل إقامة محطات نووية .. ولا محطة واحدة
حتى ..
لكن مصر مازالت بها العقول المتميزة .. التي تهرب إلي الخارج
علشان تعيش .. هاتوا الناس دي واصرفوا عليهم .. قلولهم عايزين
ننور مصر بالطاقة الشمسية .. مازال المصري .. يستطيع
ويملك المقدرة علي صنع من الفسيخ .. شربات .. جربوا يا مصريين
وهاتنجحوا .. لان البديل شئ صعب .. الغرب النهاردة لا يفكر
في احتلال الشعوب .. كما في الماضي ..ولكن يستطيعون السيطرة
علي هذه الشعوب بالقروض والمشروعات الخايبة .. ويقنعك كمان
بأنة بيخدمك .. شغل صياعة  .. والصياعة .. إحنا اللي اخترعناها
في مصر .. الصياعة مش عيب .. الصياعة أدب .. الغير
يصيعون علينا ويوكلوّنا الصياعة بمعلقة دهب .. واحنا اللي
بادعين هذا الأدب .. بس احنا موكوسين .. موكوسين باية .. بمرض
الهلوسة والفتاوى .. والقعاد علي القهاوي .. الشعب الصيني لما
قام واشتغل .. عمل لنفسه اقتصاد ضخم قوي .. تحترمه كافة شعوب
الأرض .. متي سنعمل .. متي سنُفعل طاقة العقل المصري .
بدل ماهى ضايعة علي الكلام عن النساء ليل نهار .. التحرش بالنساء
ليل نهار .. فلسفة الفساد... أصبحنا نعشق البلطجة ..
مش كده برضة يامصريين
واللا انا بتكلم في الصحرا ..