بقلم : اميل سمير
لما الدنيا تقل في خيرها وتلاقي الناس بايعة ضميرها ولما تحس سواد العيشة جوه جحوها لما تبكى ... لما تشكى لما دموعك تنزل منك وانت بتحكى لما تدور علي صديق في وقت الضيق وانت وحيد وأنت وحيد عايش طول عمرك زى غريق ولما تدور علي قشاية وأنت بعيد وأنت بعيد وسط البحر الهايج والموج عنيد ... شوف لما تعيش وسط غلابة جوه الغابة وتلاقي ديابة بتنهش لحمك وتلاقي دموع وتلاقي رجوع عن حقك لما تجوع وتلاقي شموع وتلاقي شموع ظاهرة لما الناس الطاهرة تعيش في الضلمة وسط الخوف وصوتهم منهم ماهو مسموع وقوام يستنوا من الدنيا نهارها ساعتها تحس .. .ساعتها تحس سواد العيشة جوه جحورها ساعات ساعات نقول أن الفقر ده شئ موروث أصل يحس الفقر اللى داق الفقر دروس درس الذل درس أهانة درس خيانة أعز قريب أصل الفقر يولد فقر جوه نفوس وبما أن جزور الفقر في مصر وفينا مغروس فما نستعجبش لما تلاقي الظلم بناكله غموس وما تستعجبش لما تلاقي الناس قاصده دمارها ويقولك هو أحنا اخدنا أيه من خيرها ساعتها تحس سواد العيشة جوه جحورها اميل سمير
