بقلم: مينا واصف
مبدأيا كده اسف علي العنوان اللي بدأت بيه .. لكن ده مصطلح دارج عند المصريين زي الامثال الشعبيه بالظبط اللي برعو فيها من زمان و بطيبتهم وسماحتهم كان كل كلامهم صح تقريبا .. المهم اكيد المقصود " بكلاب السكك " اي حاجه تانيه غير المعني الحرفي للكلمه .. لانه لو علي الكلاب مفيش اوفي منهم واجدع منهم - عندك لمؤاخذه " كلب " يعني عندك " اوفي صديق " - لكن القصد بالبني ادم اللي يطلق عليه بلغه مجتمعنا " لمؤاخذه بني ادم " وقول لمؤاخذه للصبح ..

و للاسف دي مش شتيمه بجد ده مجرد وصف مهذب للي بيتقال عليهم " كلاب السكك ".. المهم .. قبل ما الواحد ينزل من بيتهم ويحتك بمجتمع الشغل و كده تقريبا بيبقي " قطه مغمضه " بيبقي بس في حيز الاسره والبيت والقريبين من اصحابه .. " لكن " - وحط تحت لكن الخطوط اللي انت عاوزها بمجرد نزوله و واحتكاكه في دنيا العمل " الغير نظيفه " بالمره بيلاقي اول " كلب سكه " في طريقه ساعتها بتحصل الصدمه عنده لكن للامانه عشان بيخافو عليه لاحسن الصدمه تطول بتتوالي " الكلاب " .. !!! والنوعيات بقي كتير يعني علي سبيل المثال وليس الحصر ..

عندك كلب " وصولي " يعني لمؤاخذه يركب علي كتاف اي حد عشان يوصل لغرضه .. كلب " كلامه كتير " و طبعا دي مفيش اكتر منها ويمكن كلنا اتلسعنا منها تقريبا في حياتنا العاديه مش بس الشغل .. خد عندك بقي النوع ده " الكلب المؤذي " و ده اخطرهم علي الاطلاق و سبحان الله تحس ان طاقه الشر والاذي اللي عنده تكفي وتفيضو ممكن يعمل " اي حاجه " لتحقيق غرض سيادته النبيل ..

مش عايز اطول في نوعياتهم و اصلا انا طولت عليكو اوي لكن القصد من ده كله انه اوقات كتير ربنا بيسمح اننا نشوف ده و نقابل النوعيات دي مش عشان ربنا يقرفنا بيهم حاشا لله طبعا لكن فعلا بصلها من ناحيتين ناحيه تعليميه ان ربنا بيشدك وبيعلمك وبيخليك زي " الاستك " محدش لمؤاخذه يكسرك ..

الناحيه التانيه البركه اللي هتاخدها خصوصا لو كنت سايبها من بابها علي ربنا وطبعا مش هنسي كم الخير اللي ربنا مجهزهولك بقي يا سيدي .. لانه ربنا عمره ما كان ظالم صحيح بيصبر يمكن " الكلب يتعدل " لكن للاسف " ديل الكلب عمره مايتعدل " لكن برضو ربنا قادر يغير ويعمل كتير اوي بس الواحد يفوووووووووق .. يفوق بقي .. عموما ربنا يكفينا و يكفيكو شر " كلاب السكك " ... !!! " ملحوظه " " كل هذه الافكار من خيال المؤلفواي تطابق لها مع شخصيات من الواقع فهي مسئوليته هوو هوو قصدي هو " " يعني من الاخر اللي علي راسه بطحه