كتب صفنات فعنييح
من علي جريدة الاقباط متحدون مقال بهذا العنوان
سعد الدين إبراهيم يطلق مبادرة للصلح مع الإخوان باستفتاء شعبي!
وكمان كاتب كدة او هذا ما يريد تحقيقة  "عفا اللة عما سلف ".
من فترة ما يترامي لمسامعي .. اسم سعد الدين ابراهيم .. ومركز ابن
خلدون .. وسعد راح امريكا .. وسعد جة من امريكا .. وسعد بيحاضر
باين في احد جامعات امريكا ..  وان مركز ابن خلدون دة للدراسات
الانمائية .. عمل اية بالضبط  هذا المركز لمصر  .. ما اعتقدش فية اجابة نضعها في مسامع القراء ونقولهم .. دا عمل .. وعمل وان
فية اطار نقول فية اة واللة سعد الدين ابراهيم دة اية ... ولد ..شايفبن
عمل اية لمصر هوا والمركز بتاعة .. مركز ابن مشؤوم .
لكن النهاردة سعد الدين ابراهيم هوا والمركز بتاعة .. ابن مشؤوم
يتبنون حاجة غريبة جدا .. بل من اغرب ما يمكن ..
اللفندي قابل بعض القيادات الاخوانية في تركيا وقالولة .. هوا في الواقع
أن قيادات مكتب الإرشاد في مصر اللي في السجن اللي كانوا اصلا هاربانين منة قد ارتكبوا أخطاءًا سياسية فادحة وأنهم يريدون العودة لمجرى الحياة السياسية بمصر مرة أخرى .
وبيطالب سعد الرئيس الجديد باستعمال سياسة  عفا اللة عما سلف ..
احنا نفتح صفحة جديدة ونمضي عليها فين .. في الخرابة اللي في آخر
حارتنا .. الحارة اللي فيها مركز ابن مشؤوم ....
علي شرط الجماعة ورؤساء الجماعة يعتذرون للمصريين ويبوسوا علي راسهم  .. راس كل المصريين .. بما فيهم الستات  محجبات ام غير محجبات  لقد اجرموا في حق كل المريين وجايين يعتذروا 
لكل المصريين . وكمان اية .. الاخوان هيعترفوا بشرعية الاوضاع
السياسية القائمة الان في مصر .. ويبطلوا عنف .. ويرجع ابوك
عند اخوك .. ويادار ما دخلك شر .. واللي فات مات ..
وكأن مصر دية مش دولة .. شخشيخة في يد المهيمنين علي
ادارة دفة السياسة العالمية .. سعد الدين اللئيم هوا ومركزة ابن مشؤوم
يتبنون اصلاح ما صنعة مجرمين مصر .. بمصر .. هوا فاكر ان
الاخوان كانوا بيلعبوا كرة شراب مع فريق المصريين .. في الحارة
اللي ورا مركز ابن مشؤوم .. والفريق المصري كسب .. فا سعد بيك
جايب في ايدية فريق المجرمين .. يقاسم الشعب المصري المكسب
جايبهم يلعبوا مرة اخري .. في اوضاع مصر .. بعد لفظ الشعب
المصري لهم وبعد اعلان بعض الدول العربية انهم فصيل ارهابي
وحظر نشاطهم علي كافة المستويات .. وبعد ما بعض الدول الاوربية
انتبهت بفداحة سياستها في تأييد الاخوان .. بعد ما اعلنت طنط آشتون
ان مصر تواجهة ارهابا حقيقيا .. هناك مسحة من العقل مست بعض
الدول .. والاشخاص المتحمسين للمجرمين .. يقفون اليوم رأسهم الي
اسفل .. وجبينهم مندي .. ولا توجد داخل افواههم .. كلام يقال ...
وبعد ان شعر المجرمين من تصريحات السيسي ..ان ما فيش حاجة
اسمها أخوان طول ما هوا موجود في الحكم في مصر .. وظهور
محاكم تعلن احكام اعدام علي المجرمين سكان السجون ..
قال المجرمين لا .. احنا نجيب سعد الدين اللئيم يتوسط لنا ..ونقعد
علي المصطبة نصتلح .. مازال المتخلفون ينظرون لقعدات المصاطب
انها الشؤون القانونية للمصريين .. يبدو ان الدساتير والقوانين اللي
بنعملها دية لزوم الارفف وملئ ارشيف الدولة بالمجلدات ..
تصوروا يامصريين سعد بك اللئيم .. يتبني الدفاع عن الخونة
والمجرميين مازال يعتقد في قوانين المفحور اللي قتلوة الاخوان بعد ان افرج عنهم .. بتاع أخلاق القرية .. الكل عارفة .
اية ياسعد بك .. ما هذا الاستنطاع اللي انتا جاي تبيعة للمصريين دة
لست ادري من اين اتيت بالاعتقاد بان المصريين ما زالوا يلطخون
علي قفاهم ..
شوف ياريس .. السن لة حٌكمُة .. انتا عملت قرشين من التهليب
من هنا ومن هناك .. كفاية اجلس داخل منزلك .. اغلق فمك ذي
ما بيقولوا حدانا في مصر بالضبة والمفتاح .. وانا هاكلم حد من
المسؤليين يبعت لك ورقة اسقاط الجنسية المصرية عن شخص
جنابك ..
سعد بيك
لم تعد الحياة في مصر تتحمل الاساليب اليعفورية .. وكرة المصريون
اليعافرة عن بكرة ابيهم .. هم وجميع فلسفاتهم واقاويلهم وفتاوييهم
وآراءهم وتطلعاتهم  .. ان مصر اليوم ترفع شعار عالي جداَ الآن
اسمة لا خيبة بعد اليوم .. وسعادتك مش واخد بالك
جايب في ايديك الخيبة كلها .. وبتقول للمصريين اصلهم عايزين
يصتلحوا .. خيانة البلد ما فيهاش صلح يا سعد بيك .. خيانة البلد
القانون بيقول اعدام .. جاي سعادتك النهاردة تتحدي القانون .. تلغية
ونرجع لقانون المصاطب .. مصر ماعدش فيها مصاطب .. مصر
فيها قوانين .. عقوبة الخيانة اعدام .. قوانين الست ام قورني بتاعت
الفجل .. اختفت .. لكن مازال الفجل بتاعها معشش في نافوخ
سعادتك ..  .. انا اقترح سعادتك تنتظر لما الست ام قورني ترجع
هيا راحت مشوار .. بدون رجعة ..
مش كدة واللا اية .