كتب بولا وجيه
للبنت السمرة الحلوة المختلفة
اللى على انها تفضل حلوة فى عينيا حالفة
و الظاهر كده مكتوبلى أحبك
من و انا لسة فى اللفة
دايما على حزنى بتبقى خايفة
و بتتحملى مشاكلى حتى و لو هايفة
و تقوليلى انسى مشاكلك
الدنيا اصلا زايفة
و اسمع صوتك يقولى متزعلش تانى
طب مش علشانك لا علشانى
و تجبرينى ابتسم
حتى و ان كانت الهموم غلبانى
دايما بيعلى فى عينى مقامك
حتى ولو بس من كلامك
و بزعل مجرد ماتقولى حقفل
و ترمى سلامك
بستغرب جدا من قلبك
او حتة من طريقة حبك
ده انا بدعى ربى انى اموت
قبل ماشوف بعينى حزنك