ستظهر الصفحة بشكل مختلف لآنك تستخدم نسخة قديمة من متصفح
أنترنت أكسبلورر، استخدم
التحكم فى الخط و الألوان
جميع مقالات الكاتب
راسل الكاتب
أحدث مقالات الكاتب:
طباعة الصفحة
فهرس بداية جديدة 
عاوز أتجوز
الجمعة ١٤ مارس ٢٠١٤ -
٥٦:
٠٧
ص +02:00 EET
| حجم الخط : |
|
|
 |
|
بقلم : مايكل دانيال
يٌفتح الستار قبل أنتصاف العمر بسنوات و سنوات .. أضاءة باهته و موسيقي رومانسية
حيث يقف كل منهما وحيداً تحت بقعة من الضوء الهاديء .
هو : أخيرا خلصت كليه و كل اللي ناقصني اني الاقي عروسة
هي : أخيرا أتخرجت و مش فاضل غير اني اتجوز
لحظات صمت ... مع أستمرار صوت الموسيقي
هو : لازم تكون طويلة و بيضاء و جميله و شعرها طويل و عيونها ملونه و جسمها حلو
هي : لازم يكون ولد امور و شيك جدا و جسمه رياضي و رشيق
هو : ياسلام لو شبه أنجيلينا جولي
هي : ياسلام لو شبه توم كروز
هو : بس أهم حاجة أنها تكون من عائلة كبيرة
هي : بس أهم حاجة يكون عندة شقة و عربية احدث موديل
يخرج كل منهما من بين طيات ثيابة مرآة ثم ينظر كل منهما الي نفسه فيها بزهو ... !
اظلام
*****
و بعد مرور خمس سنوات
مازال كل منهما يقف وحيداً في نفس المكان تحت بقعة من الضوء الهاديء ..
هو : مش لازم تكون شبه أنجيلينا جولي
هي : مش شرط قوي يعني أنه يكون شبة توم كروز
هو : و كمان مش لازم تكون طويلة بس لازم تكون جميلة و من عائلة كبيرة
هي : ايه المشكلة لو كان تخين شوية .. بس لازم يكون غني
هو : كفاية أنها ها تتجوز مهندس و شاطر .. يمكن اكون مش غني قوي و من عائلة متوسطة بس يكفي أني شاب طموح و متدين
هي : كفاية انه ها يتجوز صيدلانية و جميله ، يمكن من عائلة بسيطة بس ناس يتشرف بيهم أي حد
هو : مش المشكلة أبداً اني ساكن في منطقة بسيطة
هي : و ايه المشكلة اني ساكنه في منطقة شعبية
يسير كل منهما منفرداً في أتجاه الخارج و كل منهم مطاطيء الرأس و هو يعطي ظهره للأخر ثم أظلام .. مع موسيقي ناي حزين ..
*****
و بعد مرور خمس سنوات أخري
يقف كل منهما وحيداً ، يتبادلان النظرات بين الحين و الاخر ..
هو : عرفت في حياتي بنات كتير بس نفسي في بنت من أيد ربنا
هي : اتقدملي شباب كتير بس نفسي في شاب من ايد ربنا
هو : مش لازم تكون غنية و من عائلة كبيرة
هي : مش لازم يكون عندة عربية أحدث موديل ، و مش لازم عربية أصلا
هو : لازم تكون متدينة و تصون بيتي
هي : لازم يكون راجل بجد و يعرف يحافظ علي
هو : ياريتني ...
هي : ياريتني ...
هو : تفتكر اني ها الاقي ..
هي : هو ممكن في يوم يجيلي ...
تتداخل الاصوات .. موسيقي صاخبة .. ثم يسير كل منهما في اتجاه الاخر ..
هو : مش عندي شقة فخمة و عربية أحدث موديل
هي : و انا مش طويلة و رشيقة و مش من عائلة كبيرة
هو : انا مهندس و بشتغل و ها ابني حياتي من تعبي
هي : و انا كمان صيدلانية و بشتغل و ها اساعدك نبني حياتنا سوا
هو : يمكن نتعب شوية في البداية
هي : و ها تكون دي احلي ذكريات لينا لما نكبر
هو : هو احنا ليه ما اتقابلناش من زمان
هي : كنت لسه هسألك نفس السؤال
هو : عندك ليه اجابة ؟
هي : يمكن لانك كنت قدامي و مش شايفاك
هو : و انتي قدامي و شايفك بس ..
لحظات صمت .. أضاءة خافته .. يمد لها يده لتحتضن يدها مع موسيقي رومانسية في الخلفية .
هو : بتفكري في ايه ؟
هي : انا خايفه من بكرة لسة ماجاش
هو : حتي و انتي معايا
هي : يمكن خايفة عليك
هو : ضيعنا من عمرنا كتير في الخوف
هي : تفتكر ها اقدر اغلب خوفي
هو : الحب ها يدينا القوة
هي : يبقي ها افضل احبك علشان تقويني
هو : بحبك زي ما أنتي
هي : بحبك زي ما انت
هو : ها تفضلي تحبيني و تخافي علي كده دايما ؟
هي : لحد أخر يوم في عمري
يسيران متجاورين ... الي المنتهي ..
اظلام ..
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :
تقييم الموضوع :
