خاص الأقباط متحدون

كشف الإعلامى "عبد الرحيم على" خلال برنامج "الصندوق الأسود" عن مكالمات تمت بين "محمد مرسى" الرئيس المعزول وبين "أحمد عبد العاطى" مسئول التنظيم الدولى بتركيا، وأذاع "على" محاكاة جرافيك لهذه المكالمة والتى تثبت التخابر على مصر على حد قول "عبد الرحيم على". 

  ونص المكالمة كالتالى:محمد مرسي: مرحبا يا حبيبي.

•       أحمد عبدالعاطي: إحنا قريب هنخلص قدامي ساعة وهبعت لحضرتك.

•       محمد مرسي: خيراً، الرساله وصلت لي.

•       أحمد عبدالعاطي: الحاجه الثانية من خلال تواصلنا قلنا ندعي لحاجة داخلية سريعة ومركزة بحيث الناس تتكلم فيها مع بعض والمفروض ان أيمن تواصل مع أبو أحمد ولقى أنه بيجهز لحاجه زي كدة، معرفش هو بينسق معاكم ولا لأ.

•       محمد مرسي: مش مهم المهم بس يعمل حاجة

•       أحمد عبدالعاطي: أنا باتكلم علشان تجويد الحاجة.

•       محمد مرسي: لا مقلش لنا حاجة.

•       أحمد عبدالعاطي: لو انتوا شايفين الموضوع لازم يمشي كدة فحتى نحط عناصر أو إجابات

•       محمد مرسي: اللي تقدروا تعملوه اعملوه واستمروا في شغلكم عادي، إحنا مزنوقين في الوقت.

•       أحمد عبدالعاطي: يعني الكلام دة يروح لأبو أحمد بحيث الموضوع يكون واضح مش مجرد ناس هاتيجي تقرأ الموضوع.

•       محمد مرسي: هو عايز يلم حد ويعمل حاجة.

•       أحمد عبدالعاطي: أيوة، دة اللي بقول لحضرتك عليه.

•       محمد مرسي: عارف، يعني هيلم حد من حتت مختلفة.

•       أحمد عبدالعاطي: أيوة طبعاً.

•       محمد مرسي: طيب خير نشوفها.

•       أحمد عبدالعاطي: الحاجه اللي بعد كدة إحنا كان عندنا حاجة خاصة في المجال بتاعنا للتدريب ومن ضمنها الأخ محمود اقترح إني أكلم حد عند الشيخ مصطفى بيجي فقلت له ننتظر قال لأ دي هتعزز من وضعهم خاصة أنهم جاءوا واتكلموا.

•       محمد مرسي: لالا

•       أحمد عبدالعاطي: أنا مع لأ بس مش عايز أقوله كدة.

•       محمد مرسي: محمود هيقعد يدخل موضوعات في بعضها .. ودول مستقلين عن دول ودول وحصل كلام معاهم وانت كنت سايب ومش موجود فمفيش داعي ندخل الموضوعات في بعضها .. قوله

•       أحمد عبدالعاطي: مش هقوله هاعمل إني ماخدتش بالي.

•       محمد مرسي: هنقعد نعجن، هم استدعوا مين يبقى هم بيقروا مين طالما استدعوه يبقى هم قصدهم يعملوا دعم لفلان، أرجوكوا لا، هم متجمدين خلاص – ولا رأي ولا غيره – رأي إيه اللي هيقولوه

•       أحمد عبدالعاطي: معرفش، أنا آخر حاجة شفتهم عنده وإن الفريق الأول كان موجود وسلموا عليا وهم ماشيين وخلاص لكن اللي فهمته هو قال خلاص هم هيقوموا بدورهم فهخليهم يجيبوا حد ملهوش علاقه بدة أو دة.

•       محمد مرسي: علشان إيه يعني، ليه؟ الحكايه جهابزة وخبراء يعني مش معقولة.

•       أحمد عبدالعاطي: لا، هييجوا يستفيدوا.. والإفادة طول عمرها ممتده اللي ميحصلش المره دي يحصل المره القادمة.

•       محمد مرسي: دة أحسن

•       أحمد عبدالعاطي: حاجة أخيرة، كان تواصل معايا الناس بتوع رابطة علماء السنة الجداد صفوت حجازي فهو كنت سمعت كلام مفهوش قطع. إننا سُئلنا في الموضوع فتحفظنا وشفنا أنه يضعف ولا يقوى.

•       محمد مرسي: دة من زمان وعملوا ماسمعوش الكلام.

•       أحمد عبدالعاطي: تمام الكلام اللي قيل أمامنا مكنش شكله لطيف إنهم ربما ميكنش وصل لهم رأينا إحنا مثلاً مش هنعرف نوصل لهم رأينا.

•       محمد مرسي: لا وصلهم – د.محمد قلهم إحنا قلنا كذا وكذا قال أيوه فقال أيوه أصل حصل إيه وإيه وغيه لأنه هو سأله قاله إنتوا إزاي عملتوا كده مش إحنا بعتنا لكم قلنا لكم كذا وكذا قال أيوه ولكن أصل مين قال لمين وإبراهيم قال لإسماعيل فخلاص.

•       أحمد عبدالعاطي: طيب إحنا موقفنا إيه منهم.

•    محمد مرسي: ملناش دعوة بيهم دلوقت لحد لما نشوف أصل محمد ملحقناش نقعد مع بعض نشوف التفاصيل – إنما إحنا قلنا لهم لا يبقى لا وهم بيتصرفوا على مزاجهم يبقى الكل هيعمل كدة كل واحد يعمل حاجة وبقولك إلحق بيا أنا بقيت أمر واقع .. سيبوهم دلوقتي لحد لما نشوف هنعمل إيه.

 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :