كشف الإعلامى "عبد الرحيم على" خلال برنامجه "الصندوق الأسود" عن علاقة صفحة "كلنا خالد سعيد" بالإخوان المسلمين حيث كشف أن "عبد الرحمن منصور" أدمن صفحة "خالد سعيد" من الإخوان المسلمين ومقرب جدا من خيرت الشاطر, وأذاع "الصندوق الأسود" مكالمة بين "عبد الرحمن منصور" مع إعلامية تدعى "مروة" ونص المكالمة كالتالى: 
 

- آلو

- أيوة يا قطة

- مبيردش عليا صلاح فبعتله رسالة قلتله انا صاحبة عبدالرحمن منصور رد عليا أو أضربك كده يعني

- ماشي طيب

- اممم

- يللا بسرعة نكمل الأسامي

- ايه بقول يللا بسرعة نكمل الأسماء

- كل حاجة بسرعة كده الواحد مش عارف يعمل حاجة

- خالد بيقولي لا يا مروة احنا مش مهتمين بمنى الشاذلي خالص

- أنا كلمته يوم ما خيرت كلمني قلتله انا عندي طلب قاللي خير قلتله مروة وكده و عاوزها تكون اول واحدة تقابله ويديها حاجة فقاللي خلاص مفيش مانع يعني انت تأمروكلام من ده يعني

- مين اللي قالك مفيش مانع وانت تأمر

- المهندس خالد قالنا المهندس خيرت قايلنا أي حاجة انت ت\طلبها تتنفذ وكلام أهبل كده

- انت تعرف حاجة يا عبدارحمن امبارح كان خالد بيقولي قاعد مع.. لما خيرت الشاطر كلمك بيقولي قاعد مع المصري اليوم والشروق فبعدين حد جابله التليفون بيقوله عبدالرحمن منصور قالها بصوت عالي

-والله العظيم

-اه

- راح ااا ...راح الاتنين الصحفيين قالوا ايه ده

- عبدالرحمن منصور نفسه

- راح خيرت الشاطر راح ضاحك كده وبعدين راح قعد يكلمك

فخالد بيقولي يعني كأنه مثلا ايه

- اللي هو كانت لقطة من لقطات مثلا العصر الجميل كده مثلا ايه

- عبدالوهاب ..عبدالحليم اتصل بعد الوهاب ولا حاجة كده يعني

- والله حاجة.. حاجة مسخرة

- يللا هاه.. طيب شكرا أوي عشان وصيت عليا

- انا لقيت فجاة خالد مهتم بيا فاستغربت بس قلت بركة يا جامع

- اه مابقولك انا كلمته قلتله يعني مروة عزيزة... دي مكافأة ليها وهي علطول كانت معانا وبنت مجتهدة وشاطرة

- قاللي اه عندك حق وكده

- فقلتله خلاص انا بس بطلب لو فيه كلام كبير أو مهم المهندس هيقوله فيقولها يعني وهي تقدر توصل اللي احنا عاوزينه وشغلها كويس وبتعرف تكتب وكده يعني

- قاللي خلاص، المهندس خيرت أصلا قايلنا اللي انت تأمر بيه يتنفذ فورا وكلام أهبل كده

- قلتله ياباش مهندس اتنفذ ايه.. انا مبقولش أوامر يعني أنا بس بطلب طلب بس، قاللي خلاص تحت أمرك

- ربنا يسهل

- هو يمكن الحركة الأخيرة دي بتاعة نسيبه لما بيتصل يقولي صوته عيان حركة كده بيحاولوا يهربوا يعني من...

- ممكن آه

...من الطلب ده

 عارف استعباط ال ..المسلمين

- أيوه فاهم فاهم

- فهنشوف بقى فأنا اتصلت بيه فهنشوف

- يللا عموما انا مش هاحرق يعني نفسي

- مع السلامة مع السلامة