كشف الإعلامى "عبد الرحيم على"، خلال برنامجه الصندوق الأسود على قناة "القاهرة والناس" الفضائية عن مكالمة دارت بين "سوكة" أحد أعضاء حركة "6أبريل" ومؤسس الحركة "أحمد ماهر" حيث قال له أنهم قد إقتحموا جهاز أمن الدولة وحصلوا على ملفات، وقاموا بسرقة "ولاعة" و"بدل" وأشياء أخرى.

ونص المكالمة كالتالى:

سوكة: ايوة يا ماهر

أحمد ماهر: الو

سوكة: ها

ماهر: ايه فين الحاجة

سوكة: الورق اللي معانا طلع مش من الحاجة دي، طلع ااا اجتماعات عن الحركة 

ماهر: اومال فين الحاجة اللي قولتلي شفتها 

سوكة: الورق الورق..ما..ايه 

ماهر: أنت قولتلي إن في حاجة معاك وسبتها معاك أنت 

سوكة: اتصور كله متصور كله 

ماهر: ايوه فين متصور فين يعني

سوكة: متصور مع واحد هيبعتهولي على الميل 

ماهر: يعني ينفع كده بزمتك ينفع الكلام ده يعني 

سوكة: ايه 

ماهر: ينفع الكلام ده بزمتك 

سوكة: كلام ايه

ماهر: ان حد مصوره ويبعته على الميل

سوكة: استني بس مااا.. اولا اولا الواد ده معانا في الحركة وعارفكم كلكم، وعارف بسبسة واسمه اسلام، لأن هو كنت أنا واقف وحاطط الملف، لقيت جيت اقراه مش واخد بالي وأنا واقف، فااا متقلقش الواد ده ثقة جدًا لأن اااا قعد قالي عشان خاطري الورق ده ميتا اااا، هو قطع معايا كمان ورق كان مكتوب جوه مكناش عرفين نطلعه قطعه، وقالي معلش عشان خاطري الورق ده يتسلم لأمل في ايديها أو حد من الناس دي يتسلم في ايديها 

ماهر: ايوة فين هما طيب فين الحاجات دي 

سوكة: اا والواد دخل جوه الواد دخل جوه، أنا سبته جوه سبته جوه ساعة لما القوات الخاصة دخلتلنا قمت خارج وسبته هو جوه، بس الملف كامل كامل كله متصور والواد هيجبهولي، الواد ده اتصلت بيه الشبكة بتاعته ساقطة.

ماهر: اسمه اسلام.. اسلام سعيد 

سوكة: ايووووه.. إسلام سعيد، أنا معايا ولاعة زيبو ماشي واخدها من جوه من مكتب واحد اسمه...........، كمية ولاعات دهب وولاعات عادية اا كان عنده بدل رهيبة، ولاب توب بس اللابتوب الجيش خده وإحنا بناخده، كان مصادرهم لا كان جواهم مصادر كتير جدا جوانا.

ماهر: اه طبعا.. 

سوكة: ماشي

ماهر: ماشي خير 

سوكة: اوك ياريس.. مع السلامة