نشرت جريدة مبتدأ نص أخر مكالمة بين الشهيد النقيب «أحمد وحيد عبد الرحيم»، الذي استشهد في أحد العمليات الأمنية اليوم بالإسماعيلية، والمتحدث باسم النادي العام لضباط الشرطة هشام صالح.
 

وأوردتها كالتالي:

الشهيد: ازيك يا عم هشام

هشام: الحمد لله يا وحيد

الشهيد: بطل قفش وانسى موضوع الاستقالة ده وبكره هتتعدل.

هشام: مفيش فايده في الوزارة يا وحيد .. مش هيتغيروا أبدًا.

الشهيد: يا هشام احنا اللي بنموت وهما عايشين على حسنا.. إحنا اللي قاعدين وهما ماشيين .. بكره، بعده ماشيين .. والوزارة بتاعتنا احنا واحنا اللي هنغير.. وبعدين مش ده كلامك اللي كنت بتقولهولي في الأول ؟

 

هشام: تعبت يا وحيد والموج عالي.

الشهيد: إيه يا عم مالك.. أنا عارف إن الحمل تقيل عليك انت والطنوبي، المتحدث الإعلامي لنادي الشرطة، وكل اللي فوق بيحاربوا فيكو.. بس أنا واثق إنك تسد.. انت بس خدلك أجازة كام يوم فوق فيهم وافصل وبعدها يحلها الحلال .. وبعدين مين عارف الشهر الجاي هيحصل إيه .. ولا بكرة هيحصل إيه.