كتب:أبوالعز توفيق

قال علاء عزت عطا نجل المختفى .. بأن والده المدعو عزت عطا هلال52 سنة ومقيم بمدينة منفلوط والذى تم أختطافه فى ظروف غامضة منذ أكثر من خمس شهور وذلك أثناء ذهابه الى مقر عمله بمستشفى أسيوط بسيارته الخاصة التى تحمل رقم 5005 دايو لانوس وبالرغم من وجود سيارته محترقة أمام نقطة شرطة بأسيوط منذ شهرين الإ أن يستمر أختطاف والده بدون أى تحرك من قبل شرطة أسيوط لفك لغز الأختطاف وحتى البحث عن والده المختطف
وبالرغم من أرسال عدة شكاوى وأستغاثات إلى وزير الدخلية ووزير الدفاع والرئاسة وكل المسئولين بالحكومة ولكن لا حياة لمن تنادى
ويطالب هلال تحرك الأجهزة الأمنية للبحث عن والده المختطف بعد التاكيد من وجود شبة جنائية بعد العثور على سيارة والده محترقة وأيضا لوجود مشاكل طائفية بالقرية التى يقيمون فيها
وقد بث علاء نجل المختطف قصيدة على اليوتيوب تحمل عنوان " عشمنا ف ربنا ترجع لينا " وتقول كلماتها
مش قادرين نستني كمان تعبنا يا بابا من الاحزان
نفسي ترجع تاني الضحكه .نفرح كلنا زي زمان
حزنا ياغالي تعبنا بجد مش هيعوض حبك حد
يوم ما هترجع تاني تنور كأن فجوه مكانها اتسد
مكانتك حلوه .مقامك عالي وساكن جوه قلوبنا ياغالي
تعالي وريح قلبي وبالي بجد يابابا اصل انا تعبان
الناس يوماتي بتسال عنك كل الناس بتصلي لاجلك
هناك ع المذبح مكتوب اسمك وسيرتك واصله في كل مكان
اصلك محبوب بين الناس قلبك ابيض زي الماس
كريم وخدوم وبتضحك ديما وجنبك فرحه هدوء وامان
كل السما بتصلي عشان نفسنا نعرف بس مكانك
نفسنا نسمع صوتك مره وتغرقنا ببحر حنان
نفسي ف مره انا افتح باباك الأقيك جاي انا بعد غيابك
نفرح كلنا انا واحبابك ونفوق من بحر التوهان
عشمنا في ربنا ترجع لينا تيجي تنور تاني وسطينا
اسمع منا يارب ادينا اصل فراقه بجد اذينا