فيتو | الأحد ١٠ نوفمبر ٢٠١٣ -
٣٤:
١٠ ص +02:00 EET
صوره تعبيريه
المشهد الأول
ليل داخلي
يضع يديه المتشابكتين خلف ظهره ويمشي في غرفة السجن ذهابا وإيابا يحدث نفسه بصوت غير مسموع هنقضيها كده أكل ونوم ولا إيه ياابو الأمراس.. لا بد من العمل في أي شىء.
سوف أتحدث غدا للمسئولين وأطلب منهم أن أكون إماما لمسجد السجن.حتي لا أحرم من متعتي في فن الخطابة.
اقترب من المرآة واستمر في حديثه مع نفسه:أنا عندي ماشاء الله كاريزما مش موجودة عند هتلر نفسه _يضحك مع نفسه_ فاكر يا مرسي لما كنت تخطب في جامع البلد والناس كانت تيجيلك من آخر الدنيا وتقول الله عليك يا سلام والله كانت أيام حلوة الله يحرق السياسة واللي شار بيها.
المشهد التاني
يرفع صوته قليلا: آه لو كان معي القرضاوي في هذا السجن لكنا استمتعنا معا
وكمان لو الجزيرة تنقل صلاة الجمعة من سجن برج العرب مباشر يا سلام دي تبقي مصلحة جامدة قوي وتيجي الهدايا من هنا وهناك والإخوان كلهم يدخلوا
السجن هو ده الشغل يا أبو الأمراس.
المشهد التالت
نهار خارجي
المعزول بصوت عالي أنتم يا حراس
الحارس:نعم
المعزول:عايز أقابل مدير السجن ضروري
الحارس:خير
المعزول:حاجة سر بيني وبينه وهو عارف روح بلغه إني عايز اقابله
الحارس: ممنوع
المعزول بنرفزة": أنت مش عارف أنا مين أنا الشرعي.. لازم أقابله دلوقتي ماليش دعوة أنا لي معاملة خاصة فهمت.
المشهد الرابع
مرور على العنابر
المسئول للمعزول فيه أي شكوي
المعزول:لا الناس هنا زي الفل بس لي طلب ضروري
المسئول:خير إذا كان قانوني لا مانع
المعزول يقترب منه ويبتسم ابتسامة صفراء:عايز اكون إمام جامع سجن برج العرب واخطب خطبة الجمعة
المسئول متعجبا:نعم
المعزول ضاحكا:أنت مش عارفني ولا إيه دا أنا كنت بخطب في شعب مصر كله بره وجوه وكنت بقعد بالساعتين والشعب كله كان يقول الله.
المسئول ضاحكا: للأسف جامع السجن له إمام من الأوقاف
المعزول ضاحكا: خلاص كلم وزير الأوقاف وبلغه طلبي وهو هيوافق على طول أو نخليها هو جمعة وأنا جمعة إيه رأيك ويبقى كله بالحب _ينظر إلى المسؤول_ موافق صح نقول مبروك الجمعة الجاية بتاعتي.
المسئول:أعتذر هذا الطلب لا يمكن تنفيذه مستحيل
المعزول تظهر عليه علامات الضيق ويعض الشفة السفلي.
والمسئول ينصرف !
تنوية هام: الموقع غير مسئول عن صحة أو مصدقية أي خبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.
English
السعودية: علاقتنا مع أمريكا تقوم على الاستقلالية والاحترام المتبادل