بقلم :  مينا عطاالله
 
ساعات بحس ان انا ولا حاجة انسان كانة مكان و ساعات بحس انى فى كل حاجة موجود فى كل مكان ساعات بحس ان انا محدود وساعات بحس ان انا موجود وساعات بحس انى انا مبسوط وساعات بحس ان انا زعلان ...
اة يا بلد كلها حوارات والى ماحورش فيكى مات فيكى الى يقول على طول مرتاح وانا زى صباح بغنى سعات ...........
صاحب المك صاحب جرحك صاحب حزنك والايام وامسك قلمك وارسم فرحك ترجم رسمك احلى كلام ..........
كنت بحلم انى اكبر فكرة وعدت كدة على الماشى حلم كان دايما بيصّبر انى اكون فى طريقى ماشى بس ضيقى كان معايا حلمى كان ملهوش نهاية قولت احلم تانى يمكن بس فى الاخر مجاشى ..............................................

بفتكرها وغصب عنى ببقى عايز ااقولها . عارف انه مكنش ذنبى زى ما هو مش ذنبها. اة لو قدرت يوم تفهمنى لما انا قولت بصي وشوفي . انا كان ممكن اعمل واعمل بس معملتش من خوفى . وانتى حبيبتى وحاسة بيا وعارفة مشاكلى وظروفى . وعلشانها انا برضة عملت ووقفوا اهلى واهلها ...............
انا قلت لاخويا ادخل كلية حقوق .. عايزك تطلع محامي وترد الحقوق .. وتنصر المظلوم صحاني ابويا من النوم .. وقالي فوووووووووووووووووق .
احنا عبيدك وانت الرب .. احنا ولادك وانت الاب .. مهما بنعمل خير او شر .. انت بتدي عطف وحب .

اللي فاكر نفسه احسن من بقيت البني اّدمين .. واللي فاكر نفسه ملاك مخلوق وسط الشياطين . . وانه لازم يتعملوا جناحين بيهم يطير . ده اكيد مجنون كبير زي كتير من المجانين
انا كنت بخاف من بكرة والخوف مِمَوتني .. نسيت انا ليا رب لو ميلت يسندني ! .. خلاص انا مش هخاف . قلبي فتح وشاف .. وان كنت خسرت حاجة ربنا هيعوضني

شايل شيلة واديني شقيان مطلوب شقة وشبكة كمان دبر انت ورتب نُفسي ده انا نِفسي مابقاش تعبان
الموت علينا حق و المتعة لينا لا
طالب ولكن عسكري والجامعة هي معسكري .. عايشها ملح 6 سنين ولا سنة واحدة سكري .. وعلشان الشهادة الملح زيادة .. بس علي الله اخرج بإفادة مخرجش منها كمسري

عجبي علي الناس اللي ماشيين بوشين قدامك كلامهم حلو ومن وراك وحشين مع ان حروفهم سليمة مش لدغة زيي في الشين لكن برضه مش زيي للحب والخير عايشيين