كتبها: فايز البهجورى
صعبان علىّ مرسس غلط وعمل رئيس
ومن يوم ما احتل الكرسى أحلامنا بقت كوابيس
حسره على المصريين
*--------------***--------------*
ويوم ما رشحوه كان يوم أسود بهباب
قال ان فزت بالرئاسه حأختار 3 نواب
يمثّلوا أطياف الشعب " امرأة وقبطى وشاب"
وسقف له المصريون
*--------------***--------------*
وفاز بطريقه مشبوهه وقفل على نفسه الباب .
وجاتله التعليمات من مكتب الذباب
قالوله اسحب كلامك حتى ولو قالوا"كداب "
وسحبه فى غمضة عين
*--------------***--------------*
وجمع حواليه عصابه بتتاجر باسم الدين
ان قال أمشى شمال يقولوله أمشى يمين
وان قال أعمل مشاريع تجيله التعليمات
يا مرسى انت (استبن ) وبطلّ تخريفات
وده مخالف شرع الدين
وقالوله تعمل حمش وترجّع مجلس شعبك
حتى ولو كان حلّوه احنا راح نفضل جنبك
وياعينى بلع الطعم واتحدى المصريين
ورجّع "مجلس شعب" مخالف للقوانين
وكانت فضيحه بجلاجل لأول رئيس اسلامى
ما فاتش كده كام ساعة وقال رجعت فى كلامى
سامحونى ... يا مصريين
*______________________*
وقالوله حصّن نفسك واعمل (اعلان دستورى)
وادى لنفسك سلطات تحميك "بقرار جمهورى"
و ياعينى بلع الطعم وهب ...أصدر اعلان
ادى لنفسه سلطات حددها له الشيطان
وانقلب الكل عليه و بقى نكته فى عين العالم
فرعون راسه فى رجليه أسوأ حكام العالم
وما فاتش كده كام يوم وقال رجعت فى قرارى
حرمت ما عدتش تانى أصدر اعلان دستورى
وده وعد يامصريين
*____________________*
صعبان على الرئيس بيهاجمه كل الناس
حيشيل هموم البلد ما كفايه عليه "حماس"
مش يرضه واجب عليه يحلّ لهم ...القضيه
ويسيب مصر المحروسه فى حماية ... البلطجيه
حيسيب"هنيّه " لوحده فى وكسته محتاس
دول برضهم أهله وعشيرته وأقرب ناس
عشان كده ساب الأنفاق دول قربوا على ألفين
وعشيرته رايحه وجايه والحركه فى الاتجاهين
جايبين لمصر سلاح لقتل المتظاهرين
وأطنان مخدرات لزوم المدمنين
وفى نفس الوقت حيقضوا حاجات ليهم معيشيه
طعام..بنزين... سولار ... دقيق... وكمان أدويه
والمصرى والغزاوى اخوه فى الانسانيه
واللقمه بين الشعبين حتبقى لقمه هنيه
*--------------***--------------*
صعبان على مرسس غلط وعمل رئيس
مش عارف انه حيبقى شخشيخه فى ايد ابليس
وتجاهل قوة شعبه وخيب أماله فيه
وزود فى معاناته وحوّل حلمه كوابيس
ولما فاض بالشعب صرخ : ارحل يارئيس
ارحل يامرسى ... ارحل يامرسى ... ارحل يارئيس